الأزمة الحقيقية في تونس

في بلاد ال 800 ألف بطّال،

جورناطة حصيدة القمح توصل ل 25 دينار،
و نهار في غابة الزيتون وصل ب 28 دينار،
و مولى غابة الزيتون يمشي للقهوة يقول للقاعدين :"شكارة ليكم و شكارة
ليَّا، إيجاو يرحم والديكم و الفطور عليَّا"، و حدّ ما يقوم معاه،
و شوانط البناء حابسة لغياب البنّاية و الجورني ب 25 دينار،
و العنب و البردڤان يتعفّن على رؤوس الأشجار خاطر ما فمّاش شكون يجمعها،
و جاري يبني في دار يبعث إيسوزو يلمّ في الخدّامة من دشرة بعيدة 50 كم، و
القهوة إلّي قدّامو عامرة بالشباب إلّي ينطّر في دينار من والديهم حق
السيڤارو و الكابوسان،
و مولى معمل الموبيليا عندو 6 شهور معلّق مطلب 50 تقني نجارة في مكتب التشغيل، جاو 5 أكهو،
و مولى المشروع يخدّم 30 خدّام إفريقي خاطر ما لقاش التونسي...
و غيرها من المفارقات...
ما عندناش أزمة بطالة في تونس...
عندنا أزمة من نوع آخر
أزمة عقلية تطالب بمنحة البطالة دون سعي حقيقي للعمل،
أزمة أخلاق و تعالٍ عن العمل اليومي اليدوي و الفلاحي
أزمة ارتهان للراحة و البطالة و السعي للكسب السريع من غير تعب
أزمة انفصال بين منظومة التعليم و واقع الشغل، خلّات التكوين المهني في
ذهن برشة ناس مكبّ للفاشلين في التعليم، و الحقيقة عكس ذلك تماما
أزمة ذهنية رزق البيليك و نحب نخدم تحت المكيّف و في الصباح نعلّق الفيستة و نعمل قهيوة في الbuvette و بقية النهار ندز العجلة
و الدنيا ماشية و مسمار في حيط
أزمة بيروقراطية تخلّي الشاب الطموح يجري من إدارة لإدارة باش يلم أوراق مشروع صغير.
هاذي هي أزمتنا.

الأزمة الحقيقية في تونس 530131_10152085385545710_415917177_n

الأزمة الحقيقية في تونس 530131_10152085385545710_415917177_n

» كيف أنظر إلي تونس
» عرض شغل في إتصالات تونس
» السلفي أبو حفص في تونس
» صوت الإسلام في تونس
» جمعيّــة مجــدّدون تونس